Vasskrafta i Noreg og Agder

I/S Øvre Otra søkte i oktober 1964 om konsesjon for å byggje ein 75 meter høg kvelvdam over dalen ved Bykil, like sør for kyrkjebygda.

I det politiske miljøet i Aust-Agder var ofte konsesjonskraft eit tema i slutten av 1970 åra og byrjinga av 1980 åra.

Våren i 1982 tok fylkesordførar Kristian Sundtoft initiativ til eit møte mellom fylkesutvalet, kontaktutvalet for elektrisitetsforsyning og kraftutbyggingskommunane.

Den 15. juli 1983 presenterte utvalet framlegg til prinsippavtale mellom Aust-Agder fylkeskommune og dei 10 aktuelle kommunane.

Den 27. april 1984 vart det halde konstituerande møte i konsesjonskraftfondet. Konsesjonskraftfondet for Aust-Agder IKS var ein realitet.

Avtala om eit felles konsesjonskraftfond for fylkeskommunen og dei 10 kraftutbyggingskommunane var eit resultat av ei total politisk overkøyring av fylkesrådmannen, fagfolka i NVE og Olje- og Energidepartementet.

Heile avtaleverket og salsavtalen med Aust-Agder kraftverk vart justert og endra 1/1 1990. Fylkeskommunen fekk auka sin del av konsesjonskraftinntektene.

Pengestraumen frå konsesjonskrafta har blitt meir og meir viktig for fylkeskommunen, som i dag har ei heilt anna rolle enn då avtala om konsesjonskraftfondet blei vedteken. og i 2003 sett fylkeskommunen fram krav om reforhandling av avtala. Siktemålet for fylkeskommunen var å få ein større del av konsesjonskraftinntektene. 

Den 28. august kom utvalet fram til semje om dei omstridde fordelingsspørsmåla. Den nye avtala gjeld fram til 31.12.19.