Bygland

Bygland kommune ligg i langs Otravassdraget og er ein del av Setesdal i Agder fylke. Bygland er ein langstrakt kommune med 1150 innbyggjarar på 1311 km².  Heiene på begge sidene av Otra har mange fjellvatn og innsjøar som renn til ulike vassdrag, mellom anna Sira-Kvina og Mandalsvassdraget. Kommunen grenser til Froland og Evje og Hornnes i sør, Fyresdal og Åmli i aust, Åseral, Kvinesdal og Sirdal i vest og mot nord grenser kommunen mot Valle.

Reguleringsmagasinet Kvifjorden ligg på vestheia mellom Kvinesdal, Sirdal og Bygland og dannar magasin for Solhom kraftverk. I austheia ligg magasinet Hovatn, som har vore regulera heilt sidan 1800-talet og gav straum til kopperverket i Åraksbygda. I dag er Hovatn magasin for Hovatn kraftverk som eiges av Agder Energi. I Bygland kommune ligg også Longerak kraftverk i dalsida på austsida av Byglandsfjorden med tilhøyrande reguleringsmagasin, Langeraksvatn som ligg på Longeraksheia. Kraftverket blei bygd i 1915 og skulle forsyne Landeskogen sanatorium med straum. I dag leverer kraftstasjonen 7 GWh fornybar energi.

Kjelder: Bygland kommune, ae.no, nve.no, Wikipedia.